Bryndís Þóra (dvelur nú í Salamanca í spænskuskóla) kom og gisti hjá okkur eina nótt á fimmtudaginn síðastliðinn en ástmaður hennar hann Matti var einmitt að koma á föstudaginn hingað og heimsækja hana og ég get ekki annað sagt en að við höfum nú öfundað hana töluvert! En það var yndislegt að fá hana, svo langt síðan ég hef séð hana:)

Helgin er svo búin að vera afar fín. Á föstudaginn gerðum við okkur góðan dag og skelltum okkur út á lífið. Ég eldaði pasta og við buðum Andreu í mat. Þegar við fórum út þá löbbuðum við uppá römbluna og ætluðum að fara á bar þar en nei, hittum við ekki Ása vin okkar úr Verzló á rölti þar en hann var einmitt staddur hér í vinnuferð. Ótrúlega gaman og ég tala nú ekki um ólíklegt að rekast á hann á gangi um römbluna. Við drógum hann því með okkur á einhvern skemmtistað og svo leið nóttin og allir heim á leið.

Laugardagurinn fór nú í allt og ekki neitt, við stöllur skelltum okkur á "tropic thunder" um kvöldið - það er nú meira steikta myndin. En fín samt.

Sunnudagurinn var yndislegur, við vöknuðum eldsnemma og drifum okkur út á lestarstöð og fórum í heimsókn til Erlu, Siggu og Gústa. En Erla og Sigga eru snilldar systur ömmu minnar og Gústi maðurinn hennar Erlu lét sig auðvita ekki vanta. Þau voru á Llord de mar ströndinni og fengum við að gista þar í boði þeirra eina nótt. Ótrúlega gaman að koma þangað og liggja smá í bikiní í sólinni. Í dag vöknuðum við svo og í tilefni 30 og 30 ára afmæli Erlu þá skelltum okkur á Tossa de mar ströndina sem er æðislega fallegur svona spánskur strandarbær ca korteri frá llord de mar. 
Helgin var sumsé rosalega notaleg og frábrugðin síðustu tveim helgum.

Svo tekur skólinn bara aftur við og ég tók eiginlega þá ákvörðun í síðustu viku að taka level 2 í skólanum aftur. Var ekki alveg að ná því og mig langar að hafa þetta alveg pottþétt. Ég ætla samt að gefa morgundeginum séns líka, en ég hugsa að ég færi mig í seinni tímanum á morgun. Svo ég sé fyrir því að ég og Ragga séum going apart....

En 9 dagar í 20.ára afmælið mitt og ekki nema 5 dagar í mömmu og pabba!! Það verður svo gott að knúsa þau:)

Myndir frá síðustu dögum á:

Adios;)

p.s.

og já

Vill einhver gjöra svo vel að rétta allt helvítis ruglið af sem er í gangi heima á klakanum - þetta gengur náttúrulega ekki lengur. Evran 144 kr, dkk, rúmlega 19, dollarinn rétt undir 100 kr!!!